Almaty qalasynyń Óńirlik komýnıkasıalar qyzmetinde «2017-2021 jyldarǵa arnalǵan Nátıjeli jumyspen qamtý jáne jappaı kásipkerlikti damytý baǵdarlamasyn júzege asyrý barysy týraly», «Jańa formattaǵy ataýly áleýmettik kómekti júzege asyrý» taqyrybynda baspasóz konferensıasy ótti. Brıfıńke Almaty qalasy Jumyspen qamtý jáne áleýmettik baǵdarlamalar basqarmasynyń basshysy Otynshıev Meıirjan Batyrbekuly qatysyp, belgilengen taqyryp aıasynda oı órbitti.
Basqarma basshysynyń aqparatynsha, memleket basshysynyń buıryǵy boıynsha 2017 jyldan bastap aldaǵy besjyldyqqa 2021 jylǵa deıin jumyssyz halyqqa shaǵyn kredıt berý jáne jappaı oqytý baǵyttary kiristirilgen Nátıjeli jumyspen qamtý jáne jappaı kásipkerlikti damytý baǵdarlamasyn júzege asyrý bastaldy jáne óńdeldi. Baǵdarlama úsh baǵyt boıynsha iske asyrylady:
Birinshi baǵyt – jappaı oqytý.
- tehnıkalyq jáne kásibı oqýmen 9-11 synyp bitirýshilerdiń UBT-dan ótpeli bal ala almaǵandar sanynan, sonymen qatar az qamtylǵan jáne ómirlik qıyn jaǵdaıda qalǵan januıalar 2500 adamdy qurady. Oqý merzimi mamandyqqa baılanysty 2,5 jyldan bastalady. Oqytý eńbek naryǵynda úlken suranysqa ıe 23 kolejde (16 – memlekettik, 7 – jekemenshik) jumys mamandyqtary boıynsha (kólik temir sheberi, qyrnaýshy, elektrshi, elektr jóndeýshi, gazelektr dánekerleýshi, qurylys aǵash ustasy, muzdatqysh qurylǵylardy jóndeýshi, jalpyqurylystyq jumys ustasy jáne basqalary) uıymdastyrylǵan.
Aǵymdaǵy jyldyń tamyz aıynda jumys mamandyqtary boıynsha kásibı-tehnıkalyq oqýǵa 2500 adam jınaý josparlanýda. (Atalǵan baǵyt Bilim basqarmasymen júzege asyrylady).
2017 j. 495,8 mln. teńge, 2018 j. oqıtyndarǵa shákirtaqyny (16759 teńge), jolaqysy jáne ystyq tamaq úshin materıaldyq kómekti qosa eseptegende – 1 981,9 mln. teńge bólindi.
Aǵymdaǵy jyly kórsetilgen baǵyt jalǵasyn tabady, oqýmen 1000 adamdy qamtýdy josparlaımyz (týrısik agent, shet tilin meńgergen ekskýrsıa jetekshisi, týrızm boıynsha nusqaýshy, saqtandyrý agenti, satýshy, aspaz, kondıter, esepshi, shashtaraz, elektrshi, baılanys jóndeýshisi, kabelshi, avtoelektrshi, avtokeskindeýshi, baılanys operatory jáne t.b.)
2017 j. 368,8 mln. teńge, oqıtyndarǵa (16759 teńge) shákirtaqy tólemin qosa eseptegende 2018 j. – 70 mln. teńge bólindi.
Ekinshi baǵyt – jappaı kásipkerlik.
Sonymen qosa, 2017 jyly Almaty qalasynyń jumyssyzdary men ózin-ózi jumyspen qamtyǵandarǵa 6% jyldyq syıaqy mólsherlemesimen 18 mln.teńgege deıin shaǵyn kredıtter berildi. Bul sharamen 43 adam qoldandy, olarǵa 662 mln.teńge somasynda shaǵyn kredıtter berildi. Shaǵyn kredıtter alý jumyssyzdarǵa óziniń jeke isin ashýǵa múmkindik berse, ózin-ózi jumyspen qamtyǵandarǵa – bıznesterin keńeıtýge múmkindik beredi. Jumyssyzdardyń shaǵyn kredıtterdi alýdyń birden-bir sharty, qala Kásipkerler Palatasymen uıymdastyrylǵan kásipkerlik negizderi kýrstaryn ótý bolyp tabylady.
Aǵymdaǵy jylda 150 shaǵyn kredıtter berý josparlandy, 1 122 mln.teńge bólindi.
Odan basqa, aǵymdaǵy jylda 100 AEK-ke deıin bastapqy bıznesterin júzege asyrýshy nemese júzege asyrýdy josparlap júrgen jumyssyzdarǵa, tóleýsiz jáne qaıtarymsyz grant berý josparlanýda. Baǵdarlama sheńberinde kásipkerlik negizderin oqý kýrstaryn ótý talap etiledi jáne basqa da memlekettik baǵdarlamalar sheńberinde qarjylaı qoldaý kórsetilmegenderge beriledi. Memlekettik granttar qajetti múlikti, eńbek quraldaryn, tehnologıalyq qurylǵylardy alýǵa jumsalady ,- dep habarlady basqarma basshysy Meıirjan Batyrbekuly.
